Cadaaladdu, waa hoyga nabadda, xasiloonida iyo horumarka. Waxa ay ku taabo-gashaa, Madaxda oo xil kooda si habsami ah u gutta; oo ku Dhaqanta: Dhaartii KITTAABKA, Dastuurka iyo shaciyada Dalka.
Xubinta Garsooruhu sida uu dhigayo , Qod. 2-j. Waa in uu leeyahay waayo-aragnimo xirfadeed oo aan ka yarayn isugeyn toban sano; kuna soo shaqeeyey garsoore ama/iyo xeer-ilaaliye ama/iyo qareen ama/iyo macallin jaamacad ka bara sharciga. Xaladda Dalku marayo awgeed, waxa haboon, haddii la waayo Qof jagada mid ka mid ah buuxiya, in laga soo ijaarto, dalalka muslimka.
Maxkamaduhu way yar-yihiin, ee waa in la dhiso qaar kale oo la kordhiyo. Habsami socodka cadaaladda, waxa sal u ah, Daryeelka Garsooraha oo la sugo. Baahi weyn buu dadweynuhu u qabaa CADAALADDA. Dhib weynina ay ka haysataa. Waxa haboon in Guddida Cadaaladda dib loo habeeyo. Sida ay hadda tahay, kuma aha taabo-gal. Baahidii iyo xilkeedii midna ma sugna.
Guddida Cadaaladdu: Qod.107aad; Waa hay’adda hogaamisa maamulka Garsoorka, waxayna ka kooban tahay :
1 Guddoomiyaha Maxkamadda Sare;
Guddoomiye
2. Labada Garsoore ee ku xiga dhinaca darajada Guddoomiyaha Maxkamadda Sare Xubin 3. Xeer-ilaaliyaha Guud xubin 4.Agaasimaha Guud ee Wasaaradda Cadaaladda Xubin 5.Guddoomiyaha Ha’adda Shaqaalaha
Xubin 6.Laba Xubnood oo G/Wakiilada, labadii sanndoodba hal mar ka soo doorto dadweynaha kana kala tirsan aqoon yahannada & ganacsatada
Xubin 7. Laba xubnood oo G/Guurtidu labadii sanndooba ka soo doorato dadweynaha hal mar, kana kala tirsan dhaqan-yaqaanada iyo culimada Diinta. Xubin
F.G: Aqoon waxbarasho DIINEED iyo mid KALE ma sheegna. Wax ka beddel Guddida Cadaaladda, waa mid loo baahan yahay. Tusaale; Qofka ka cabanaya, Guddoomiyaha maxkamadda Sare ama labada garsoore ee darajada ku xiga guddoomiyaha maxkamadda Sare ama xeer-ilaaliyaha guud, oo intuba ka mid ah Guddida Cadaaladda, sida ku cad Qodobkan hoos ku qoran. Yay cabashadooda u gudbin?
Qodo. 99-1. Hay’adaha Garsoorku waxay ka kooban yihiin; Maxkamadaha iyo Xeer-ilaalinta. 1.Sidaa darted ma noqon karaan xubno Guddida Cadaaladda ka mid ah. 2. Sido kale, Agaasimaha Guud ee W. Cadaaladda iyo ka Hay’dda shaqaaluhu iyana ma noqon karaan xubno guddida Cadaaladda. Aqoon sharci oo ayna lahayn awgeed.
3. Xubinta Aqoon-yahanka ah, ee G/Waakiiladu soo magacaabaya, waxa haboon in aqoontu tahay mid sharci.
4. Sidoo kale, Xubinta aqoon-yahanka, ee G/Guurtidu, soo magacaabayaa waxa iyana, haboon in aqoontaasi tahay, mid sharci.
5.Waxa iyana lama huraan ah, in dib loogu noqdo:- Aqoonta, dhaqanka, Khibradda iyo asluubta Garsoorayaasha, oo inta aan u qalmin xilka, xaqooda la siiyo, oo la sii daayo. Inta aqoon deeraad ah iyo tababar u baahan la siiyo.
ALLAA MAHAD LEH
Eng.Maxamed Xaashi Cilmi
