Hargeysa(Geeska):-Guddoomiyaha xisbiga mucaaradka ah ee WADDANI Md:Cabdiraxmaan Maxamed Cabdilaahi (Cirro), ayaa xilal cusub u magacaabay xubno ka tirsan xisbigaasi,waxaana ka mid ahaa wasiirkii hore wasaarada warfaafinta Boobe Yuusuf Ducaale oo loo magacaabey xoghayaha warfaafinta,wasiirkii hore ee caafimaadka Md: Xusseen Xoog oo isna sida oo kale loo magacaabay xoghayaha caafimaadka ee xisbiga WADDANI iyo sida oo kale Marwo:Faadumo Siciid Ibraahim oo iyadana uu u magacaabay la taliyaha guddoomiyaha ee arrimaha dibada.
Wareegtadan oo uu ku saxeexan yahay guddoomiyaha xisbiga mucaaradka ah ee WADDANI Md:Cabdiraxmaan Maxamed Cabdilaahi (Cirro) oo nuqul ka mid ahi uu soo gaadhey wargeyska Geeska Afrika ayaa waxaa ay u dhigneyd sida tan:
1. Md. Cali Cilmi Geelle waxa loo magacaabay inuu noqdo xubin ka mid ah hoggaanka xisbiga
2. Md. Cali Axmed Cabdi (Cali cantar) waxaa loo magacaabay inuu noqdo xubin ka mid ah hoggaanka xisbiga
3. Md. Maxamed Xasan Dirir, xoghayihi hore ee warfaafinta waxa loo beddeley inuu noqdo Xoghayaha gaarkaah ee gudoomiyaha xisbiga waddani.
4.Muj. Boobe Yuusuf Ducaale waxaa loo magacaabay inuu noqdo xoghayaha cusub ee warfaafinta.
5. Dr. Xuseen Maxamuud Maxamed (Xuseen xoog) waxaa loo magacaabay xoghayaha caafimaadka xisbiga waddani
6. Md. Axmed Cabdilaahi Barre waxaa loo magacaabay inuu noqdo xoghayaha khayraadka dabiiciga ah.
7. Marwo Faadumo Sicid Ibraahim waxaa loo magacaabay inay noqoto la taliyaha arrimaha dibadda ee gudoomiyaha xisbiga waddani.
8. Md. Daa'uud Xuseen Jaamac (foodcadde) waxa loo magacaabay inuu noqdo ku xigeenka xoghayaha arrimaha gudaha xisbiga waddani.
9 Md. Cabdirashiid Maxamed Adam (Jeeni) waxaa loo magacaabay inuu noqdo ku xigeenka xoghayaha warfaafinta xisbiga waddani.
