Madaxweyne Siilaanyo Oo Wasiir-xigeenkii Kalluumaysiga Ka Aqbalay Iscasiladiisii

0
451

Hargeysa(Geeska)-Madaxweyne Axmed Maxamed Siilaanyo, ayaa xalay wasiir-xigeenkii ganacsiga ee uu magacaabay ka aqbalay istiqaaladii uu kaga jawaabay magacaabistiisa.

1

Madaxweyne Siilaanyo, ayaa qoraal xalay laga soo saaray madaxtooyada wuxuu ku yidhi sidan “Madaxweynaha Jamhuuriyadda Somaliland, Mudane Axmed Maxamed Silaanyo waxa uu ka aqbalay Istiqlaaladii uu u soo gudbiyey Wasiir-ku-xigeenkii Wasaaradda Kaluumaysiga iyo Khayraadka Badda ee uu Madaxweynuhu dhawaan xilkaa u magacaabay. Madaxweynuhu waxa uu (Insha Allah) dib ka soo magacaabi doonaa masuul ku haboon isla markaana hanan kara xilkaa Qaran.

Madaxweynuhu wuxuu Istiqlaalada masuulkaa kaga jawaabay sidan soo socota:-

Ku:           Mudane, Cabdi-qaadir Sheekh Maxamuud Warsame

Wasiir Ku-xigeenkii Wasaaradda Kalluumaysiga iyo Khayraadka                         Badda 

 Og:          Wasiirka Wasaaradda Kalluumaysiga iyo Khayraadka Badda   

Ujeeddo:  Aqbalaad Istiqlaalad Xilka Wasiir Ku-xigeenkii Wasaaradda Kalluumaysiga iyo Khayraadka Badda

 Mudane,

In muwaadinka loo magaacaabo xil qaran si uu dalkiisa iyo dadkiisa ugu adeego waa sharaf iyo maamuus. Haddaba, aniga oo ka duulaya habsami u socodka hawlaha baaxadda leh ee Wasaaradda Kaluumaysiga iyo Khayraadka Badda waxa soo dhaweynayaa cudurdaarka iyo go’aankaaga ah inaanad qaban karin xilkaa kor ku xusan. Sidaa darteed, mudane waan kaa aqbalay istiqlaaladda aad ii soo gudbisay waxaanan kuu rajaynayaa niyad-sami iyo mustaqbal wacan.