Hargeysa(Geeska)-Madaxweynaha Somaliland Md.Muuse Biixi Cabdi ayaa masuuliyiin xukuumadiisa ka tirsan waxa uu ku sameeyay xilka qaadis iyo magacaabis.
Madaxweyne Biixi ayaa xilka ka qaaday wakiilkii Somaliland ee Shiinaha iyo safiir ku xigeenkii Somaliland ee dalka Itoobiya, waxaanu sida oo kale Badhan u magacaabay guddoomiye iyo ku xigeen. Waxaanay wareegtada madaxweynuhu uu soo saaray ay u dhignayd sidan
Wareegto Madaxweyne
Ujeeddo: Xil Ka-qaadis
Ku: Maxamuud Saleebaan Ciise (Mingiste),
Wakiilkii hore ee Somaliland u fadhiyey Dalka Shiinaha
Ku: Maxamed Cabdikariim Cumar Ismaaciil,
Safiir Ku-xigeenkii hore Somaliland u fadhiyey dalka Itoobiya
Og: Wasiirka Wasaaradda Arrimaha Dibedda iyo Iskaashiga Caalamiga ah
Mudanayaal,
Sida aad la socotaan, xilka Qaranka ayey sunnihiisa tahay in uu meerto noqdo, oo loo igmado hadba ciddii hanan karta. Sidaa darteed, waxaan gartay in laga bilaabo taariikhda maanta aan idinka qaado xilalkii aad u hayseen Qaranka.
Waxaan idiinka mahadcelinayaa muddadii aad hayseen xilalka Qaranka ee kor ku xusan.
Magacaabis
Markaan Arkay: Dastuurka Jamhuuriyadda Somaliland, Qodobka 90aad;
Markaan Arkay:
Aqoontooda, Kartidooda iyo Waaya-aragnimadooda;
Markaan ku Qancay: In ay Hanan Karaan Masuuliyadda ka Dhalanaysa Xilalkan;
Markaan Sameeyey: La-tashi Ballaadhan;
Waxaan Go’aamiyey;
In laga bilaabo taariikhda maanta aan masuuliyiintan u magacaabo xilalkan:
- Maxamuud Xaamud Cumar
Guddoomiyaha Gobolka Badhan
- Cabdiraxmaan Axmed Muuse
Guddoomiye Ku-xigeenka Gobolka Badhan
- Cawil Ibraahim Cali
Wakiilka Xafiiska Ganacsi ee Somaliland ee Dalka Shiinaha
