Hargeysa (Geeska) – Madaxwaynaha Somaliland Mudane Axmed Maxamed Maxamuud (Siilaanyo), ayaa dhambaal Tacsi ah u diray eheleda, qaraabadii iyo shacabka Somaliland ee ka baxay Marxuum Axmed Ibraahim Guunje, oo geeriyooday.
Dhambaalka Tacsida ah ee Madaxwaynaha Somaliland oo uu ku saxeexan yahay Afhayeenka Madaxtooyada Somaliland ayaa u dhignaa sidan “Madaxweynaha JSL, Mudane, Axmed Maxamed Silaanyo, wuxuu tacsi u dirayaa Ehelkii, Qoyskii, Qaraabadii, Asxaabtii iyo dhamaan Shacbiga Somaliland ee uu ka baxay MARXUUM AXMED IBRAAHIM GUUNJE.
Madaxweynuhu wuxuu MARXUUMKA ku tilmaamay oday door muhiima ka soo qaatay nabadgelyada dalka, dhismaha dhaqaalaha, iyo ka qarankaba, sidoo kalena waxa uu marxuumku maayar ka noqday caasimada Hargeysa lixdameeyadii isaga oo ahaa maayarkii ugu horeeyey si xora loo soo doortay isla markaana salka u dhigay caasimada Hargeysa,
Madaxweynuhu waxa uu MARXUUMKA ILLAAHAY uga baryayaa inuu naxariistii Janno ka waraabiyo, Ehelkii, Qoyskii, Qaraabadii, Asxaabtii iyo dhamaan Shacbiga Somaliland ee uu ka baxayna Samir iyo Imaan ka siiyo”
IN-NAA LILLAAHI WA IN-NAA ILAYHI RAAJICUUN
Axmed Saleebaan Maxamed (Dhuxul)
Af-hayeenka Madaxtooyada JSL.
Comments are closed.