Maamulka Madarasda Xamdaan Binu Rashid Oo Hambalyo U Diray Ardayda Kaalmaha Hore Gashay

Hargeysa(Geeska)-Maamulka sare ee madarasada Xamdaan Binu Rashid ee magaalada Hargeysa, ayaa hambalyo u diray ardaydii kaalmaha hore ka gashay imtixaankii shahaadiga ee sannad dugsiyeedka 2013-2014 ee ay wasaaradda waxbarashada Suudaan. Madarasadani oo hoos timaadaa hay’adda Al-Maktoum foundation, wuxuu maamulkeedu hambalyo u diray ardaydaas kaalmaha hore ka gashay, wasaaradda waxbarashada iyo weliba wasaaradda qorshaynta oo ay xidhiidh wada shaqayneed leeyihiin “Dugsiga sare ee xamdaan binu Rashid waxa uu hambalyo u dirayaa  ardaydii kaalmaha sare ka galay imtixaanka shaahidaga ah ee sanad dugsiyeedka 2013-2014 ee ay qaaday wasaarada waxbarashda ee dalka Sudan .si gaar ahna dugsigu waxa u hambalyeynayaa ardaygii kaalinta kobaad u galay  dhamaan dugsiyada sare ee  imtixaanka ka qaaday waasarada waxbarashada ee dalka sudan ardaygaa oo magaciisu yahay  (maxamed cabdi yuusuf xirsi).” Sidaas ayuu maamulka madarasadu ku yidhi warsaxaafadeed uu shalay soo saaray, waxaanu intaas raaciyay, “Guushan ay ardaydu gaadheen waxa kale oo uu maamulka dugsigu ku hambalyaynayaa wasaaradda waxbarashada iyo wasaaradda qorshaynta oo ay madarasada wada shaqayn leeyihiin. Madarasadu waxa kale oo ay ugu bushaaraynaysaa ardayda waxbarashada jecel in arday cusub loo qaadanayo fasalka koowaad ee dugsiyada sare iyo fasalada 8aad iyo 7aad ee dugsiyada dhexe oo ah qayb cusub oo madarasda lagu daray.”

Madarasda waxa lagala xidhiidhi karaa 063-4423555 iyo 566789