Marka hore waxaan hambalyo iyo bogaadin ugu dirayaa , xukuumadda,goleyaasha iyo axsaabta qaranka ,bahda garsoorka iyo saxaafadda madax bannaan,ciidamada qalabka sidaa iyo dhamaan qeybaha kala duwan ee shacabka Jamhuuriyadda Somaliland munaasabada sannad guradii 22 ee ka soo wareegtey dib ula soo noqoshada madaxbannaanidi habowdey ee Jamhuuriyadda Somaliland.
Marka labaad, Waxaynu ognahay in kacbadu ay tahey meel muqadas ah oo ku taal xaramka barakeysan oo muslim kasta marku tukanaayo qiblad ka dhigtaa meel kastu joogoo,marku magaalada Maka ee barakeysan galena iyo waqtiga xajka ba waajiib tahey in lagu soo dawaafo.
Haddaba halka dhaqanka xukuumadda Kulmiye iska shabbahaan waxa weeye iyado mid walba oo saraakiisha sar sare ee xukuumadda Kulmiye ku taamayo inu mar iyo laba iyo wax ka badan ba gaadho magaalada London (sida xaramka barakeysan) iyado aynu ognahey in London xukuumadeedu ka soo horjeeddo Somaliland iyo goni isu taageda.Haddii aynu dib u jeeleecno muddada seddexda sanno ee xukuumadda Kulmiye jirtey ,Celcelis ahaan dhawr kun oo madaxda sare ah ayaa u baqooleey magaalada London sida agaasime, badhasaab,agaasime guud,saxaafadda dawladda ,Maareeye,xildhibaan.sarkaal ciidan, wasiir ku xigeen,wasiiro,madaxweyne ku xigeen iyo madaxweyne iwm.Waxey Somaalidu ku maahmaah daa ‘’meyd maxa u dambeeyey iyo kaa iminka la sii sido’’.Bal waxa dhawaan sii marey London madaxweynaha Jamhuriyadda Somaliland Axmed Maxamed Siilaanyo marku ku socdey Mareykanka halkaas oo si geesinima ah ugu dhiibey mar labaad xukuumadda Britain mowqifka Somaliland oo ah inaaney ka qeyb galeen shirka 7 May ,2013 ka dhacaayey London ee loo qabanaayey Konfurta Somalia.
Haddana madaxweynaha iyo waftigisa, halka ay toos ugu soo noqon lahayeen Somaliland waxey dib ugu soo noqdeen magaalada London .Isla waqtigaa waxa Hargeysa ku si diyaar garoobeyey wafti balaadhan oo u hoggaaminaayo madaxweyne ku xigeenka Somaliland oo iyaguna u socda magaalada London iyago ku andacoonaya iney kala qeyb galeyaan jaallyadda Somaliland ee London joogta dabaal degga munaasabadda 18 May.Haddaba haddi waqtigaa iyo kharashkaa inta le’eg ee malaayinta dolaar(millions of dollars) ah ee tamash leynta iyo macno darrida ku baxaya, lagu kharash gareyn laha ictiraaf raadinta dawladaha Africa ama lagu qaban laha biyaha roobka ee maalin walba dad qaadaya aakhirkanabadda galeya iyado magaalooyinka waa weyn ee Somaliland ay biya la’ yihin sida caasimadda Hargeysa Waxa kale oo lacgtaasi wax ka tari lahyed ka faa’ideysiga kheyraadka badda sida kalluunka oo inta dadka tababar yar la siiyo la amaahiyo qalabka kalluumeysiga sida laashashka,shabakadaha iwm. bil walbana laga jaro wax yar.Taas oo wax ka tari laheyd wax soo saarka dalka iyo shaqa la’aanta baahsan ee ku kaliftey dhalinyaradeeni oo ah madaxda mustaqbalka iyo xoogga dalka iney TAHRIIBAAN si xad dhaaf ah oo maanta gaadhey heer lagu tilmaami karo aafo qaran oo u bahan talo qaran oo deg deg ah halka xukuumaddeni ay London tamash-leynaso.
