Kooxda Baby Shop ayaa shalay ku guuleysatay koobkii tartanka bisha Ramadan ee ka socday garoonka weyn ee Hargeisa Stadium kaas oo uu sannadkan maalgeliyey ciyaartoygii weynaa ee Gobolka Maroodi Jeex Yuusuf Nuux Yuusuf (Tadhase)
Ciiyaartan oo ahayd mid si heer sare ah loo soo agaasimay ayaa waxay labada kooxood soo ban dhigeen kubad heerkeedu sareeyo, waxaana ka soo qayb galay masuuliyiinta wasaarada ciyaaraha, marti sharaf kale iyo daawadayaal aad u tiro badan.
kulankan oo ahaa mid si weyn loo sugaayey ayaa labada kooxoodba ay ka go’nayd inay hantaan koobka tartanka ayaa ku bilaabantay jewi degan. Qaybtii hore ee ciyaarta ayaa labada kooxood ay ku kala nasteen barbardhac 0-0 ah, qaybtii labaad ee ciyaarta ayaa labada kooxoodba ay garoonka lasoo galeen dardar xoogan oo mid kasta uu doonayey inuu gacanta ku dhigo koobka tartanka, kooxda Baby Shop ayay u suurto gashay inay qaybtii danbe ee ciyaarta ay la timaado goolkii koowaad ee ciyaarta waxaana gool aad u qurux badan dhaliyey Haybe Good Hurre oo baas qurux badan ka helay C/risaaq Shanbadhiidho, intaas ka dib xamaasadii ciyaarta ayaa cirka isku sii shareertay waxaana kooxda Iimaan Construction Company la timid dedaalo dheeraad ah oo ay ku doonaysay inay goolka lagu leeyahay keenaan, lakiin taasi uma suurto galin, aakhirkiina waxay ciyaartii ku dhamaatay 1-0 ay guushu kuraacday kooxda Baby Shop. Waxaana isla shalayba garoonka dhexdiisa lagu gudoonsiiyey koobkii kooxda Baby Shop.
Comments are closed.