Xisbiga Kulmiye oo la aasaasay sanaddii 2002 , kuraasida ugu saraysa ayaa leh Sooyaal Taariikheed oo mid walba loogu magac bixin karo , iyadoo waayihii kursi waliba soo maray magaciisa jaan goynaysa .
1. Kursiga koowaad ee ah Gudoomiyaha Xisbiga ahna Musharaxa , waxa la yidhaahdaa meerto , sababtoo ah , Shirkii Golaha Dhexe ee 2009 , Waxa laggu go’aamiyay in Gudoomiyaha xigeenka koowaad laggu wareejiyo doorashada ka dib , sidaas ayaanu kula wareegay gudoomiyaha imika joogaa , waxa kale oo iyana jirta xan odhanaysa in Gudoomiyaha dabadiina beeshii gudoomiyihii horre ( Madaxwaynuhu) kasoo jeeday laggu wareejinayo sidaa darteed kursigaa magaciisa waxa odhan karaa .Meerto .
2. Kursiga labaad oo ah ku xigeenka koowaad , waxa la yidhaahdaa Mar-dhaw , maxaa yeelay Gudoomiye xigeenka kowaad waa ka ugu dhaw marka doorasho dhacdo in uu booska la wareego , sidaa darteed booskaa magaciisu waxa la odhan karaa Mardhaw .
3. Kursiga sadaxaad oo ah G/xigeenka 2aad , waxa la yidhaa Magac , sababtoo ah waxa iska badalay 3 xubnood oo isku beela , markii G/xigeenka 1aad u dalacay gudoomiyaha ee booskaasi banaanadayna G/xigeenka 2aad uma ruqaansan buuxinta booskaa waxaana loo magacaabay Af-hayeenkii Xisbiga ( Maxamed Kaahin ) sidaa darteed booskaa magaciisu waxa la odhan karaa Magac .
4. Booska afrad oo ah Gudoomiye xigeenka 3 aad , waxa iska badalay 2 xubnood oo isku beela inta badana dhaq-dhaqaaq badan malaha , sidaa darteed booskaa waxa la odhan karaa Mooge.
5. Booska shanaad oo ah G/xigeenka 4aad , waa booska ugu dambeeya G/xigeenada waxaana ka horeeya 3 G/xigeen oo kale sidaa darteed booskaa magaciisa waxa la odhan karaa Maslax .
6. Booska Lixaad ee Xisbiga waa Xoghayaha Guud , Booskaa tan iyo aasaaskii Xisbiga waxa iska badalay 3 Xoghaye guud oo isku beela , kuwaasoo kala ahaa ( Daauud Khayre , Kayse iyo Xasan Siciid ) Intii booskaasi jiray cid kale booskaa ma qaban , beeshaasina boos kale oo hogaamineed xisbiga kama qaban , sidaa darteed waxa la odhan karaa Booskaa Maguuraan .
7. Gudoomiyaha Golaha , Golaha dhexe ee xisbigu inta badan isuma yimaado , waxaanu shiray marar kooban , sidaa darteed booskaasi ma hawl badna , sidaa darteed waxa la odhan karaa booskaa Markhaati .
8. Booska Afhayeenka Xisbiga , markii Xisbiga la aasaasay 2002 af-hayeenkii xisbiga ee u horeeyay wuxuu ahaa , Maxamed Iid dhimbiil , hassa yeeshee markii doorashadii deegaanka ee ugu horaysay dhacday 2002 ayaa laggu badalay Maxamed Kaahin oo ka mid ahaa ururkii dhacay ee ASAD , mar kale 2010 markii Maxamed Kaahin loo magacaabay G/xigeenka 1aad ee Xisbiga waxa Jagadii Af-hayeenka loo magacaabay Xasan Gaafaadhi oo ahaa Gudoomiyihii ururkii dhacay ee RAYS, sidaa darteed maadaama booskan ay iska badaleen laba Af-hayeen oo ka yimi ururo horre oo dhacay waxa la odhan karaa Mahuraan .
9. Booska Gudoomiyaha Garabka dhalinyarada , waxa iska badalay 3 Gudoomiye oo isku xaafada kuwaasoo kala ahaa ( C/laahi , Tamaandho iyo gudoomiyaha imika ee C/najax siyaad) sidaa darteed waxa la odhan karaa booskan magaciisa Maararaw
.
