Hargeysa(Geeska)-Guddoomiyaha xisbiga Wadani Md. Cabdiraxmaan Maxamed Cabdillaahi (Cirro), ayaa magacaabay xoghayaha qorshaynta ee xisbigaas, waxaanu u magacaabay Cabdirashiid Maxamuud Cali (Riyo-raac).
War-Saxaafadeed ka soo baxay Xafiiska Xoghayaha Warfaafinta Xisbiga WADDANI, ayaa lagu shaaciyay magacaabista Xoghayaha Qorshaynta Xisbiga mucaaridka ah ee WADDANI, Waxaanu qoraalkaasi u dhignaa sidan: “Gudoomiyaha Xisbiga mucaaridka ah ee WADDANI Mudane Cabdiraxmaan Maxamed Cabdilaahi (Cirro) wuxuu maanta magacaabay Xoghayaha Qorshaynta Xisbiga WADDANI.
Gudoomiyuhu:- Markuu Arkay: Qodobka 28aad ee Xeerka Xisbiga WADDANI.
Markuu Tixgeliyey: Baahida loo qabo in la buuxiyo jagada Xoghayaha qorshaynta.
Markuu La Tashaday: Xubnaha Hogaanka Xisbiga WADDANI.
Markuu ku Qancay: Inuu hanan karo xilkan loo magacaabay.
Wuxuu go’aansaday:-
In laga bilaabo taariikhda maanta uu Mudane Cabdirashiid Maxamuud Cali (Riyo-raac) noqdo Xoghayaha Qorshaynta Xisbiga WADDANI.
Waxa laga codsanayaa dhamaan xubnaha Xisbiga WADDANI inay la shaqeeyaan Xoghayaha Qorshaynta Xisbiga, una fududeeyaan wixii hawlo ah.
Comments are closed.