Gabay Maad Ah Oo Uu Siyaasiyiinta Ka Tiriyay Axmed Cali Garas (A.A.Garas)
Gabayga Danbaabkii Doorashada waxa tiriyey Abwaan Axmed Cali Garas, waxaanu ka tiriyey Sheekooyinka naftood hafarka ah ee ay Siyaasiyiintu dadka ugu sheekeeyaan, Waxaanu Gabaygani soo baxay 31/7/2012, waxaanu isaga oo hab-maad ah u dhigayaa uu yidhi
Haddii aad I Doorataan
Cadceedda Warbaan u Diri
Kuleylkaan Demi ku Odhan
Dayaxa Joogtaan ka Dhigi
Daruurta Shirbaan La geli
Halkaa ku Da’a Ayaan ku Odhan
Haddii aad I Doorataan
Intii Duuduubantiyo
Gabowga Dawaan u Heli
Dolarka aniga Sameyn
Sidii Doog idiin Baxuu
Agtiina Daadsanaan
Haddii aad I Doorataan
Wixii idin Diidaniyo
Waddamada Deriskayaga
Puntland Dacas ayaan ka Dhigan
Ethiopia Daawaan ka Dhigan
Daafida ku Dubtaan Habruhu
Kiiniya Derged baan ka Dhigi
Dabadeed Dumis ayaan ku Qori
Carabta Danbas Buuriyo
Daanka la Dhigtaan ka Dhigan
Yuhuuda Dukhsaan ka Dhigi
Dibaan u Guumeysan Yurub
Jarmalka Adhigaan u Diran
Faraans Cunahaan Digsiin
Spain Dabar baan ku Xidhi
Canada darbad-baan la Heli
Mareykan Dubbaan la Dhici
Denbina Buush-baan ku Heli
Dabadeeto Aniga Daldeli
Miksiko Deynbaynu siin
Ruushka Darayaan Ku Qaban
Oo Dirqaa la igaga Furfuri
Afrika Dalqad-baynu furi
Dantaad garan La’dee
Daydayo Nin kalaan Ku Odhan
Haddii aad I Doorataan
Aqoonsiga Dusha Sariyo
Dagaaraan ka Keenayaa
Ma Jiro Wefti Duulayo
Dibada Meermeeraya
Diwaanka aniga Hayoo
Dawladaha Qaar ayaan Dafiri
Qaar baan darajada Ka Guri
Qaar baan Dumarka Madax Uga dhigii.
Ma hadeydaan I Dooranbaa
Dunida-ba Dabadaan u rogi
Dab iyo Qaraf ayaan ku Qaban
Fanaaniintaa Dayacan
Iyaga waan Dareersanoo
Doontii Nuux Baan Ku Rari
Durbaanada hay Tuntee
Dirirka ayaan Qayilaad u Tagi
Waxa tiriyey Abwaan Axmed Cali Garas (A.A.Garas)
Mobile: 4407340
