Hargeysa(Geeska):-xisbiga mucaaridka ah ee Waddani ayaa si rasmiya ugu dhawaaqay wakhtiga la qabanayo shirka golaha dhexe ee xisbigaasi.
Xoghayaha golaha dhexe ee xisbiga Waddani Cismaan Afgaab Oo shalay shir jar,aaid ku qabtay xarunta xisbigaasi ayaa shaaca ka qaaday wakhtiga la qabanayo shirka golaha dhexe, isaga oo fariin u diray xubnaha ku jira golaha dhexe waxaanu yidhi “Waxaanu warbaahinta ugu yeedhnay inaanu iclaamino qabsoomida shirka golaha dhexe ee xisbiga Waddani, kaas oo aanu u qorshaynay inuu dhaco 1/10/2016 ilaa 2/10/2016, shirkaas mudaba waa la sugayey waxaanan ogaysiinaynaa dhamaan xubnaha golaha dhexe ee jooga wadanka gudihiisa iyo dibadiisaba inay ilaaliyaan wakhtigaasi uu gooyey golaha fulinta ee xisbiga oo iyagu xaq u leh inay cayimaan maalinta uu dhacayo shirka golaha dhexe ee xisbiga Waddani, waana in wakhtiga la ilaaliya, dadka dibada joogaana waa inay si gaar ah u ilaaliyaan.”
