Hargeysa (Geeska) Wasaarada waxabarshada iyo hayada NRC ayaa qalabku wareejiyey Jamacada Edna University , waana qalab loogu talo galay in ardaydu wax ku barato.
Ugu horayn waxa halkaa ka hadalay Sarkaal ka socday Haayada NRC waxaanu yidhi “waxa maanta noo suura gashay anagoo ah kooxadan ay hogaaminayso wasaarada waxabarshada in aanu ku wareejino qalabkan Edna Aden maternity and University qalabkan aad arkaysaan oo tiradan leh kani waa Dental Chair-kii waa qaybta ugu way nee dhaqtarka ilkuhuu ku shaqeeyaan microscope iyo kiimikalkiskii la isticmaali lahaa markaa sanadkii hore dabayaaqadiisa ayaa hayada NRC iyo wasaarada waxbarashada oo wada socda waxay soo mareen jamacadah public-ga ah ee wadankeena iyaga oo markaa doonayey inay ogaadan jamacad kastaa maxay u bahantahay sidaasi darteed waxay jamacada Edna codsatay in loo keeno Dental Chair –kan iyo alaabtan kale ee manta halkan aanu ku wareejinayno .”
Waxa isnaa halkaa ka hadalay agaasimah Guud ee wasaarada Waxabarashada waxaanu hay’adda NRC uga mahadceliyay deeqda ay siisay jaamacadda Edna Aden, isagoo sheegay inay hanti geliyeen mid ka mid ah jaamacadaha caafimadka ee dalka ka jira.
Wasiirul dawlaha waxbarashada oo isna halkaas ka hadlay ayaa sheegay in jaamacadda Edna iyo cisbitaalkuba sameeyeen horumar laxaad leh, isagoo ka waramay taariikhdii goobta uu cisbitaalku ka dhisanyahay oo wakhtiyo ahayd goob cidlo ah, waxaanu ammaanay doorka ay marwo Edna kaga jirto horumarka dalka.
Marwo Edna Aden oo iyaduna halkaa ka hadashay ayaa sheegatay in Alaabta lagu wareejiyey aad qiimo weyn ugu fadhido, Drs Edna waxay Xustay taariikhda ay u soo martay in ay Hirgaliso , waxaanay sheegtay inay cisbitaalka iyo jaamacadda Edna gelisay lacagtii ay ka soo shaqaysatay Qaramada Midoobay oo ay hawlgab ka gashay sannadkii 1997 oo ay bilowday cisbitaalka.
