Hargeysa(Geeska)-Wasaarada arimaha gudaha Somaliland ayaa baahisay 15 SURAF oo ay u adeegsan doonto diiwaangalinta muwaadiniinta, kuwaas oo wata qalabkoodii isgaadhsiinta.
Qandaraaskan ay wasaaradu baahisay cidii danaynysaa waxa ay ku xarayn doontaa mudo bil gudaheed ah gudida qandaraasyada qaranka. Hadaba war saxaafadeed ay wasaaradu soo saartay oo arintaas ku saabsan waxa uu u dhignaa sidan “Wasaarada Arimaha Gudaha jamhuuriyada Somaliland waxay Qandraas ku bixinaysaa 15 baabuur oo ah nooca looyaqaano SURF oo iib ah iyo qalabkoodii isgaadhsiinta oo loo isticmaali doono diiwaan galinta mawaadiniinta.
Sidaas darteed cidii danaynaysa qandaraaskaas ah 15 baabuur ee SURF ah iyo qalabkoodii isgaadhsiinta uu dhamaystiranyahay waxay Araajidooda codsiga ku hagaajinayaan Gudiga Qandaraasyada Qaranka, hadaba waxa la farayaa cidii danaynaysa qandaraaskaas inay kusoo xareeyaan araajidooda bil gudaheed oo ka bilaama 8/2/2014.”
