Hargeysa (Geeska) – Madaxweynaha Somaliland Md. Muuse Biixi Cabdi ayaa Badhasaab cusub u Magacaabay Gobolka Togdheer, ka dib markii uu dhawaan Geeriyooday Badhasaabkii hore Xamse Maxamed Cabdi.
Madaxweynaha ayaa badhasaabka cusub ee Gobolka Togdheer u Magacaabay Maxamed Diiriye Xayd Nuur oo hore uga mid ahaa Guddiga Qandaraasyada Qaranka Somaliland.
Wareegtada Madaxweynaha oo soo gaadhay Wargeyska Afrika ayaa qornayd sidan:-
WAREEGTO MADAXWEYNE: 22 /06/2020
Madaxweynaha Jamhuuriyadda Somaliland, Mudane Muuse Biixi Cabdi waxa uu wareegto madaxweyne oo summadeedu tahay JSL/XM/WM/222-521/062020, ku magacaabay Guddoomiyaha Gobolka Togdheer.
Waxaanay u dhignayd Wareegtada Madaxweynuhu Sidan:-
Wareegto Madaxweyne
Markaan Arkay: Dastuurka Jamhuuriyadda Somaliland, Qodobka 90aad;
Markaan Arkay: Aqoontiisa, Kartidiisa iyo Waaya-aragnimadiisa;
Markaan ku Qancay: In uu Hanan Karo Masuuliyadda ka Dhalanaysa Xilkan;
Markaan Sameeyey: La-tashi;
Waxaan Go’aamiyey;
In Maxamed Diiriye Xayd Nuur laga bilaabo taariikhda maanta uu ahaado Guddoomiyaha Gobolka Togdheer.”
ALLAA MAHAD LEH
Muuse Biixi Cabdi
Madaxweynaha JSL.
