Sidii aan idiin balan qaaday, ninkii Saylici oo kursi loo dhigay beer yar oo gurigiisa ku dhex taala ayaan xalay ka soo qaaday gabaygan hoos ku qoran, waxaanu yidhi
Awoowgay Maxamedoow! (Maxamed Case)
Arrin wayga madowyoo
Habeenkoo mugdiyaan
Mirkacaa adhaxdiisoo
Aan miraa taladoo
Midba meel ku xidhaa
Maalintiina ma seexdo
Intaan maalin sawaalay
Een maqrib faallo ku gaadhay
Timahaa madaxaaga
Tiro ways metelaane
Ilaahay magantiiye
Aan is muujiyo dhowaan
Mise waan yar sugaayoo
Minkiisaan badiyaaye
Hadaan Mawdku i qaadin
Mar baan faalka dhigaa
Waxay mooradu keento
Murtideed ku dhaqmaa
Mise wayska samraayoo
Waxba yaan is maqiiqine
Mansabkaa kuxigeenku
Kollay wayska minxiisiyo
Maqaarsaar wax la moodye
Raggan meesha ordaaya
Kooda guusha la meera
Ayuun baan martiyaayoo
Mahad Eebe idhaayoo
Midigtaa qabsadaa
Bal malee Hud-hudoow
Oo maxaad odhanlayd
Haygu soo mutuxnaane.
