Boorama (Geeska)-Guddoomiye ku xigeenka Xisbiga Waddani Axmed Muumin Seed ayaa Shalay Boorama ku martiqaaday Odeyaasha, Salaadiinta, Madax-dhaqameedka. Waxgaradka iyo Aqoonyahanka beesha uu ka soo jeedo ee degaanada Gobolada Awdal iyo Selel.
Guddoomiye ku xigeenka Waddani Axmed Muumin Seed ayaa Qado Sharaf ugu sameeyey Rays Hotel ee Magaalada Boorama, Boqol Xubnood oo iskugu jira qeybaha kala duwan ee Bulshada ee ka soo jeeda Beeshiisa.
Casuumadan Qado sharafta ah ee Guddoomiye ku xigeenka Waddani u sameeyey Wax-garadka Beeshiisa, ayaa laga soo saarin wax war ah ,balse waxa lala xidhiidhinaya arrimo siyaasadeed oo u Guddoomiye ku xigeenka Xisbiga Waddani ku kasbanayo Taageerada Beeshiisa Doorashooyinka soo socda ,waana markii u horreysay ee u Guddoomiye ku xigeenku qaybaha kala duwan ee Beeshiisauu iskugu yeedho .
Kulankan ama casuumaddan u Guddoomiye ku xigeenku ugu yeedhay Beeshiisa ayaa waxa ka horeeysay Casuumad tan oo kale la mid ah oo uu ugu yeedhay Madax dhaqameedka iyo Wax-garadka Beelaha Jibriil Yoonis (samaroon) ee degaanka Boorama dhawr bilood ka hor ,qado sharaftaas oo waagaasi dareen siyaasadeed ka dhex abuurtay qaybo ka mid ah dadweynaha iyo siyaasiyiinta beelahaasi kaga jira Xisbiyada kale ee qaranka iyo dawladdaba .
