Maansada Galiilyo waa maanso Aan ugu baroor-diiqayo Walaalkay Marxuun Cabdirisaaq Maxamed Yuusuf Oo ahaa Saaxiib intuu ifka joogay rabi ku galladay Dulqaad , deeqsinimo, Dunwanaag , Iyo Debci sami .
Wallow aanan Bog iyo bayjaj toona aanan Ku koobin karin taariikhda iyo Qofnimadii Cabdirisaaq waxay Tixda Maansada ahi si guud mar dhawr tilmaamood ka bixin doonta Shakhsiyada Saaxiibkay , Alle naxariistii Jano ha ka waraabiyo.
Galiilyo:
Galiilyaa waxay tidhi
Geeridu xaq weeyoo
Gabal dhaciyo waaberi
Geesi arlada joogiyo
Gaarida haweenbaa
Godka lagu ridaayo
Guulihii ilaahbaa
Qofba goor u qorayoo
Ruux kastoo gucleeyaba
Wedbaa garab ordaaye
Balse ruuxaad garabiyo
Gaashaan ku ogayd
Kama go,o calooshoo
Haddii laysku gudbi karo
In la gees maaraad baad
Garaadkaaga hoosiyo
Guudka ka jeceshee
Alaylehe ninbaa go,ay
Balse isagu galbayoo
Geestii loo badnaabuu
Guuluhu u qaatee
Dhawr haloo u gaaroo
Cabdi gooni u ahaa
Aan guud ka xaadsado
Waxa aanan Ka Gam’ayn
Gacantii furnayd Iyo
Garashadiyo caqliguu
Guulaheenu siiyiyo
Gobanimadu u dhashee
Rabi Gaarka uga dhigay
Waxa aanan Ka Gam’ayn
Googooskii sheekee
Qosol loo Go’aayiyo
Gartii uu cadaalada
Gundhiga uga dhigayiyo
Gudoonkuu lahaan jiray
Waxa aanan Ka Gam’ayn
Hadduu uu ku go’ayiyo
Godob hadduu ku galayaba
Runtii aanu goornaba
Gees uga dhaqaaqayn
Waxa aanan Ka Gam’ayn
Dulqaadkii gobeedee
Gardarada sokeeyaha
Guudka uu u dhigan jiray
Faaladiisa guud iyo
Arintiisa gaarka ah
Hadaan hoos u sii galo
Gelin kama baxaayee
Guuloow Allahayoow
U gargaar Marxuunkoo
Guuloow Allahayoow
U waasici godkiisoo
Guuloow Allahayoow
Garansii jawaabtoo
Guuloow Allahayoow
Garab mari cadaabtoo
Guuloow Allahayoow
Geestii rasuulkiyo ‘’ NNKH’
Gaadhsii asxaabtii.
