Hargeysa(Geeska)-Murashixiinta mucaaradka ah ee xisbiyada Waddani iyo UCID Md. Cabdiraxmaan Maxamed Cabdillaahi (Cirro) iyo Md. Faysal Cali Waraabe, ayaa muddo dheer ka dib shalay kulan gaar ah ku yeeshay magaalada Hargeysa.
Kulankan oo aan wax war ahi ka soo bixin, ayaa waxay warar xogogaal ahi Geeska Afrika u sheegeen inay labada murashax kaga wada hadleen arrimo badan oo ay ugu muhiimsantahay doorashada madaxtooyada ee qorshaysan inay qabsoonto March 2017, iyadoo ay dalka ka jirto xaalad abaareed oo aad u adagi. Faysal iyo Cirro, ayaa la sheegay inay isla garteen qodobadii ay ka wada hadleen.
Kulankan ayaa ku soo beegmaya iyadoo maanta ay guddiga doorashooyinku kulan albaabadu u xidhanyihiin isugu yeedheen saddexda murashax madaxweyne ee KULMIYE, Waddani iyo UCID, kaas oo lagaga wada hadlayo doorashada madaxtooyada.
