Waxa la filayaa in Isniinta in deegaano ka tirsan Somaliland, Puntland, Djibouti iyo Yemen ay soo gaadho Duufaan cusub oo lagu magacaabo Megh, duufaantan ayaa la sheegay inay wadato Dabeylo xoogleh iyo roob.
Duufaantan ayaa kusoo beegantay toddobaad kadib markii Duufaantii Chapala ay khasaaro badan ka geysatay koonfurta dalka Yemen iyo qeybo kamid ah deegaanada Somaliland iyo maamulka Somaliya ee Puntland. . Duufaantii Chapala ayaa dalka Yemen ku dishay ugu yaraan 8 qof.
Duufaanta Megh ayaa la sheegay inay ka awood yartahay tii Chapala, waxaana la filayaa inay dul marto Bada cas gaar ahaan koonfurta Yemen, Somaliland, Djibouti iyo Puntland.
Dawladda Somaliland ayaa hore shacabka uga digtay dhulka xeebaha iyo weliba dhulka dooxyada leh xilliyada ay roobkani da’ayaan in laga dheeraado.
