Wargeyska Geeska Afrika, wuxuu guud ahaan hambalyo u dirayaa Muslimiinta adduunka ee maanta ciidaya ciiddal Adxa, waxaanu si gaar ah hambalyo ugu dirayaa shacabka reer Somaliland oo maanta u dabaal degaya munaasibadan ciidal Adxada.
Geesta kale, Wargeyska Geeska Afrika, wuxuu akhristayaashiisa ku wargelinayaa in Cadadkii Wargeyska ee soo bixi jiray maalin kasta oo Axad ah aanu Axada berri soo bixi doonin munaasibadda ciiddal Adxa darteed. Sidaas daraadeed wuxuu akhristayaashiisa sida taxana ah ugu xidhan ku wargelinayaa inay sidaas ula socdaan. Waxa kale oo aan Isniinta saadambe soo bixi doonin cadadkii ciyaaraha u gaarka ahaa iyo cadadkii Ingiriisida ee The Horn, waxaanu wargeysku sidii caadiga ahayd u soo bixi doonaa laga bilaabo Salaasada haddii Alle yidhaahdo. Ciid wanaagsan ayaanu leenahay akhristayaasha Geeska Afrika, ciyaaraha iyo The horn iyo guud ahaan umadda reer Somaliland, Allena waxaanu ka baryaynaa inuu ciiddan ciiddeeda inagu gaadhsiiyo caafimaad, nabadgelyo, horumar iyo barwaaqo.
