Hargaysa (Geeska )- Afhayeenka Salaadiinta Somaliland Suldaan Yuusuf Muxumed Xiiray ayaa baaq nabadeed u diray beelaha walaalaha ah ee dirirtu ku dhex martay Dharkayn-geenyo, waxaanu sidoo kale ka hadlay Salaadiinta u hanqaltaagaya Xamar kuna tilmaamay kuwo khiyaamo qaran samaynaya.
Suldaan Yuusuf Muxumed Xiiray oo warbaahinta shalay la hadlay ayaa sidoo kale ka hadlay heshiiska Dekadda Berbera oo uu soo dhaweeyey, waxaanu ugu horeyn yidhi “Dharkayn-geenyo waxaa ka dhacay dhibaato weyn laba beelood oo walaalo ah oo hehela oo isku guriya oo isku ooda oo inan iyo abtigiiya ayey diriri ku dhex martay waxaan ugu baaqayaa inay collaada joojiyaan oo ay wada hadal ku dhameeyaan ummada dhimatayna ilaahay ha u naxariisto inta dhaawacantayna ilaahay waxaan uga baryayaa inuu caafimaad siiyo bogoodana burcad isku mariyo wanaaga iyo sharafta tuso dawlada Somaliland ooiyaguna ku dhawaaqday inay ka hawl gasho cuqaasha iyo madaxdhaqameedka meelkasta oo ay joogaan waxaan ugu baaqayaa inaan ka hawl galo oo bishaa ramadaan dadkaa dhex galyo oo nabada kusoo dabaalo”
Suldaan Xiiray ayaa mar uu ka hadlaayey Dekadda Berbera wuxuu yidhi “Dekadda Berberi waa Deked caalamiya Dubia oo kale ayey noqonaysaa waa raasamaalka dhabta ah ee inoo hadhaya ninkasta oo inaga kireysaa wuu iska tagayaa ganacsibaa laga helayaa shaqaalaa laga helayaa marsada ganacsi ayey noqonaysaa anigoo af-hayeenkii dhaqanka ahna waan soo dhaweynayaa waxaan idiin sheegayaa inay faa’iido inoo tahay waa heshiis wanaagsan waa heshiis nabadeed dadka degaana waa dad wanaagsan oo jecel qaranka iyo horumarka”.
Sudaan Xiiray mar uu ka hadlaayey Salaadiinta u hanqal taagaya Xamar ayaa yidhi “Xamar ma dawladbaa joogta anagu ma tagayno shaqana kuma lihin sulaadiinta soo xulayaana waa sulaadiintii hore ba u soo xushay ee 60ka ahaa suldaan la doortay iyo mid caana boodhe lagu shubayba way jiraan laakiin anagu shaqo kuma lihin tagina mayno shaqana kuma lihin shir na quseeya oo Somaliland meel kazoo galena maaha ninka suldaana ee madax dhaqameeda ee halkaa tagaana ee ka qayb galaana waa nin ummada Somaliland iyo qaranka somalilandba meel kaga dhacay Somaliland-na wax kiish la galiyo ama salad lagu qaado ka weyn “gojoxo geel wax la qariyo ka weyn” Somaliland way ka weyntahay wax nin meel la istaago oo yidhaa somalilandbaan ahay”
