Hargeysa(Geeska)-Abwaan Xasan Xaaji Cabdillaahi (Ganey) ayaa wasiirada Madaxweyne Siilaanyo kula taliyay inay umadda u shaqeeyaan oo ay iska daayaan madaxweynaha ay hor yaacaan marka uu dhoofayo ama soo noqonayo.
Abwaanka oo shalay ka hadlayay shirjaraa’id oo ay abwaano tiro ahi kaga hadleen xaaladda dalka iyo abaaraha jira, wuxuu isagoo wasiirada la hadlaya yidhi “Qolada Wasiiradda ah dalka waad u dhaarateen, marka la yidhaahdo Madaxweynihii baa baxaya, DIG—DIG—DIG , way suldaari baan is idhaahdaa madaxweynaha oo afweyntuu goosan. Dhagax kiilo leeg bay afartan gacmood iskugu imanayaan, wuu soo galayaa waad hor cararaysaan, waar umadda u shaqeeya, waar umaddiina matala”.
