Soomaaliya waxaa lagu dilay ilaa 3,000 askari oo ka tirsan ciidamada nabad-ilaalinta midowga Africa tan iyo sanadkii 2007,sidaas waxaa sheegay ku xigeenka xog guud ee UN Jan Eliasson.
Waxay qayb ka yihiin ciidamada nabad-ilaalinta AU ee Soomaaliya oo gaadhaya ku dhowaad 18 kun oo askari.
Ku xigeenka xoghayaha guud ee Qaramada Jan Midoobay Eliasson oo London ugu waramay wariyayasha shirkii Soomaaliya intii uu socday, ayaa yidhi "Waxaan doonayaa in aan xuso dalalka iyo askartooda si xoog leh naftooda ku bixiyay. Wax laga naxo ayay noqonaysaa in la ogaado in ilaa saddex kun oo askarta AMISOM ah lagu dilay inta sano ee AMISOM ay halkaas joogtay. Uganda iyo Burundi ayaa khasaaraha ugu badan uu soo gaaray. Ciidamada Kenya dabcan, waxay qayb wayn ka yihiin AMISOM."
Ku xigeenka xoghayaha guud ee UN Jan Eliasson oo ka waramayey ciidamada AU ee Soomaaliya lagu dilay tan iyo sanadkii 2007.
Haddaba marka la bar bar dhigo tirada askarta AU ee ku dhimatay Soomaaliya, waxay ku dhow yihiin kuwa Qaramada Midoobay ee tan iyo 1948kii howlgalo ku dhintay, kuwaas oo gaadhaya 3,096.
Ciidamada AU ee Soomaaliya jooga waxay qayb libaax ka qaateen xoogagga al-Shabaab oo laga saaray caasimadda Soomaaliya ee Muqdisho iyo waliba magaalooyin kale oo waaweyn 2dii sano ee la soo dhaafay, laakinse Al Shabaab wali awood ayey u leeyihiin in ay weeraro isugu jira is-qarxin ay oo weeraro kaleba ku qaadaan goobo ka mid ah caasimadda iyo meelo kale oo dalka Soomaaliya ah.
