Cirro Oo Xilal U Magacaabay Saddex Masuul

Published on Sep 17 2017 // Warar

Hargeysa(Geeska)-Guddoomiyaha xisbiga mucaaradka ah ee Waddani ahna musharaxa xisbigaas Cabdiraxmaan Maxamed Cabdilaahi Cirro ayaa saddex masuul oo xisbigaas ka tirsan u magacaabay xilal kala duwan.

Waxa uu musharax Cabdiraxmaan Cirro ugu horayntii Maxamed Muxumed Allabari u magacaabay in uu ka mid noqdo xubnaha Hoggaanka Xisbiga WADDANI. Sida oo kale Jamaal Xuseen Hurre wuxu u magacaabay Xoghayaha Gaashaandhigga Xisbiga WADDANI, halka uu Xasan Muuse Khaliif  u magacaabay Xoghayaha Teknoolajiyadda iyo Sayniska ee Xisbiga WADDANI.

Waxaa  guddoomiye Cabdiraxmaan Cirro saddexdan masuul ugu duceeyay xilalka uu u magacaabay, waxaanu ku booriyay inay xooga saaraan iyaga oo adeegsanaaya khibradooda in ay xisbiga mucaaradka ah ee Waddani ay wax badan oo la taaban karo ay ku soo kordhiyaan.

 

comment closed

Subscribe to our RSS Feed! Follow us on Facebook! Follow us on Twitter! Visit our LinkedIn Profile!