Qormadii 1aad: Taxane diirada saaraya fahamka nolosha ee Ardayda & Dhalinyarada
Inagoon waxba aqoon ayanu dhalanaa.
Marka aynu dhalanao, ee aynu bilawno inaynu aduunka barano, ee aynu
tagno madarasada , ee aynu u baxno wadada, waxaa kobocda aqoonteena,
iyo khibrada aynu u leenahay nolosha, waxaad moodaa sidii qof soo
galay guri wayn oo madow, alaab badanina taalo, taas oo kala daadsan,
waxaad moodaa inuu maankiisu ka madhanyahay wax walba, oo hada uu
bilaabayo inuu nolosha ogaado, waa sida aynu ku dhalano, ee uu
qur’aankuna inoo sifeeyay
( Suurat ALnahl 78).
Kumanaan su’aalo ah ayuu is waydiiyaa, jawaabna uma hayo, hase ahaatee
sida uu gurigaa wayn ugu dhex jiro ayuu maalinba bartaa wax cusub.
Hadaba maalin ayuu dadka intooda kalena bartaa, dhaqanada kala duwan,
dabeecdaha kala duewan, maalinba maalinta ka danbaysa ayuu dareemaa
inuu korodhsanayo aqoon cusub.
Sidaas ayaynu nahay ubadkaygiiyoow, maalinba arin cusub ayaynu
baranaa, halkaas ayaynu iska waydiinaa yoolka nolosheena iyo danta ka
danbaysa abuurka aadamaha, su’aal walba ka jawaabi kari mayno, oo
aqoonteenu had iyo jeer way koobantahay ( Suutar Alisraa 85)
Maxaa Duruus inoogu jira:
? Aadamuhu waa Jaahil. Ilaa uu wax barto
? Waa inyanu (Tawaaducnaa) Dhul- is dhigid, hadba into uu jahaligeenu
yahay ayay tahay inaynu tawaaducno.
? Darajadeenu waxay ku xidhantahay hadba waxaynu naqaan, ee aynu cilmi
u leenahay, markastoo aqoonteenu durugto waxaa ziyaada darajadeena.
? Mar hadaynaan koobin aqoonoo idil, way adagtahay inaynu xukun guud
saarno arin aan weli soo afjarmin
? Had iyo jeer waxaa jiri doona arimo aynaan aqoon u lahayn, ama aynu
ka haysano fikir qaldan, waxaynu u baahan doonaa inaynu kordhino
aqoonteena si joogta ah, oo aynu lahaano caqli u furan inuu bisleeyo
arin walba oo soo waajaha.
La soco…..
