Addis Ababa(Geeska/W.Wararka) Raysalwasaaraha Itoobiya Hailemariam Desalegn ayaa sheegay inay xoojinayaan iskaashiga iyo xidhiidhka ay la leeyihiin dalalka jaarka ee gobalka Geeska Afrika.
Raysalwasaare Hailemariam Desalegn, oo ka jawaabayay su’aal lagu weydiiyay fadhigii baarlamaanka dalkiisa, oo ku saabsanayd nooc xidhiidh ee ay Itoobiya la leedahay dalalka jaarka la ah, wuxuu yidhi “Xidhiidh wanaagsan ayaanu la leenahay dalalka jaarka sida Kenya iyo Sudan. Sidoo kale xidhiidhka aanu Djibouti la leenahay waa mid istaraatajiyadeed oo talaabo ka horeeya xidhiidhka aanu la leenahay dalalka kale. Sidoo kale waxaanu xidhiidh wanaagsan la leenahay Koonfurta Suudaan iyo Somaliya, waxaanan ka shaqaynaynaa sii xoojinta xidhiidhka aanu la leenahay dalalka jaarka.”
