Hargeysa (Geeska) – Laba Carruur ah, ayaa ku Geeriyooday Degmada Axmed Macalin Haaruun ee Magaalada Hargeysa.
Labada Carruurta ah oo Wiilal ahaa, ayaa ku Geeriyooday Goob Biyo-fadhiisin ah oo ay ku dhaceen, sida ay Ciidammada Dab-damiska oo halkaa ka soo saaray u sheegeen Wargeyska Geeska Afrika.
Labada Carruurta ah ayaa Ciidanka Dab-damisku da’dooda ku qiyaaseen 12 illaa 13 Sano jir.
Dab-damisku wuxuu sheegay in markii ay labada Carruurta ah soo saareen ay ku wareejiyeen Ciidammada Booliska oo baadhaya sida shilkani u dhacay.
Maalmaha Roobku da’ayo ayaa Maamulka Magaaladu waxay Dadka uga digeen Goobaha Biyo-fadhiisinka ah iyo Biyo-mareennada oo khatar keeni kara.
Geeska.net/Hargeisa Office
