Hargeysa(Geeska)-Shil Gaadhi oo sababay dhimasho iyo dhaawac ayaa ka dhacay Shalay Magaalada Hargeysa.
Shilkan Gaadhi oo ka dhacay Madaarka Hargeysa duleedkiisa ayaa waxa ku dhintay ALLE SWT ha u naxariiste Hal Qof oo dumar ah, halka 12-qof oo kalena ay dhaawacyo kala duwani soo gaadheen, waxaana markii Shilku dhacay wakhti yar kadib Dadkii Dhaawac ahaa loola cararay Cisbitaalka Guud ee Hargeysa, taas oo qaar ka mid ah Shaqaalaha ka hawl-gala Cisbitaalka Hargeysa ay noo xaqijiyeen in hal Qof oo Dumar ahi ku dhimatay Shilkan Gaadhi, halka 12-qof oo kalena ay ku dhaawacameen Shilkan,iyada oo dhaawac iskugu jira qaar fudud iyo qaar culus.
Gaadhigan Shilka galay ayaa la sheegay inuu ahaa baabuurta Caanaha ee u baxa deegaanka Sallaxley iyo Tuulooyinka hoos yimaada.
Dhanka kale waxa xusid mudan inay Shilalka kala duwan ee ay galaan Baabuurta noocyadooda kala duwan inay dalka ku soo kordhayaan, iyada oo Shilalkan ay keenayaan Baabuurta oo dalka ku soo kordhaya iyo Waddo xumo
