Dilkan xadkiisii dhaafay ee kolba la arkayo waxa cusub oo naftu diido ilaa ay dhacday in sidii xoolaha dadkii la uus xabaalo waxa sabab u ah oo aynaan dafiri Karin inay tahay Qisaas la’aanta dalkeena ka jirta, oo maamulka talada dalka qabataaba uu ka maago cid uu sidaas ugu habranayaana aan la garanayn.
Arintu waxay tahay sidii uu Illaahay ku sheegay Quraankiisa ee uu yidhi “Qisaastu waxay idiin tahay nolol dadka caqliga lahow” , taas oo aynu iska diidnay oo waynagaa aragnay midhaha inooga dhashay, Sidaas darteed xukuumadu waa inay arintan talaabo deg-deg ah ka qaado oo ay fuliso Qisaasta kuna bilawdo midkan Bahal-nimadaa ah ee loogu gaystay Ruqiya Siciid Ayaanle isla markaana lagu xigsiiyo Dadka jeelasha buux dhaafiyay ee dilka ku xukuman inta aanay talo faraha ka bixin, oo markaana Illaahay SWC inoogu cadhoonin.
