Waanigii shalay idiin balan qaaday inaan u tagayo Maxamed Biixi Yoonis si aan isna uga soo bawsado jawaabta gabaygii Muuse Biixi Cabdi ee shalay, waxaanu Maxamed yidhi,
Inkastoon maqnaayoo
Aan jirayay meel dheer
Ilayn mooge ma ihiye
Oday madaxa baan ee
Maanigaan ku garanayn?
Milatari inaad tahay
In mujaahid aad tahay
Mid ku miiggan aad tahay
Xadhig maran inaad tahay
Murankana halyay ku ah
Ma naxaan inaad tahay
Kaartada maleegoo
Jidgooyada mar geli kara
Marna daasad meel dhiga
Marna doona madaxnimo
Musharraxii dadweynaha
Maanigaan ku garanayn
Adna Muuse Biixow
Is maqiiq inaad tahay.
