Hargeysa (Geeska) -Waxaa maalin ka hor magaalada Hargeysa soo gaadhay Dr Martin Orwin oo ah khabiir aqoon dheer u leh afka Soomaaliga oo dhalasho ahaan ka soo jeeda dalka Ingiriiska, waxaana magaalada Hargeysa ku soo dhaweeyey xubno ka tirsan Hargeysa Readers Club iyo abwaan Xasan Daahir Weedhsame
Md. Orwin wuxu luuqadaha af-Soomaaliga iyo Amxaariga ka dhigaa Jaamacadda SOAS ee carriga Ingiriiska wuxuna Hargeysa u yimid daraasad la xidhiidha dhinaca af-Soomaaliga iyo in uu ka qaybgalo munaasibado qorshaysan.
Dr. Martin wuxu hore Somaliland u soo booqday marar dhawr ah wuxuna Hargeysa ka jeediyey muxaadirooyin cilmiga afka ah.
“Anigu Hargeysa waa jecelahay. Waanan ku faraxsanahay in aan mar kale helay fursad aan ku soo booqdo” ayuu yidhi isagoo Geeska Afrika u waramaya.
