Burco(Geeska)-Saddex qof ayaa ku dhaawacmay shaqaaqo shalay ka dhacday Baliga Diiriye Guuleed ee waqooyiga Burco oo ay ku dagaalameen laba beelood oo reer Togdheer ahi.
Labada Beelood oo kala ah Beesha Reer Biniin ee Habarjeclo ah iyo Beesha Cabdale Arab ee Arab, ayaa isweydaarsaday rasaasta qoryaha fudud, laakiin waxa markii dambe u gurmaday ciidanka Booliska oo demiyay xiisadii dagaal. Labada beelood ayay wararku sheegayaan inay shalay isku maandhaafeen baraago lagu samaynayay dib u dhis oo hore loo dumiyay. Guddi uu Madaxweyne Siilaanyo hore ugu saaray xal ka gaadhista khilaafkan oo ahaa golaha guurtida ayaa ka soo saaray go’aamo .
