Hargeysa(Geeska)-Wasiirka Gaashaan-dhiga Somaliland oo ah guddoomiyahaa Guddidii Madaxweyne Siilanyo u saaray Tabashada Bulshada reer Awdal ayaa sheegay in guddidaasi yeelatay fadhigii 7-aad.
Wuxuu wasiir Cadami beeniyay Warar sheegayay inaanay guddidaasi wali kulmin islamarkaana u dhaqaaqin hawlihii Madaxweynuhu u dirtay.Wasiirku waxa uu Shir Jaraa’id ku sheegay (Eeg Bogga 2aad)
inay meel fiican u marayso hawsha Madaxweynuhu u igmaday rajo fiicana ay ka qabaan Madaxdhaqameedka iyo Madaxweynuhu inay xal fiican gaadhaan.
“Maanta anigoo ku hadlaya Magacii guddida Madaxweynuhu u saaray tabashadii Madaxdhaqameedka oo isku dhan oo ah arin qiimaynteeda iyo qaddarinteeda mudan, waxaan jecelahay inaan halkan ka caddeeyo in wixii daraasad aanu ka soo samaynaynay fadhigii 7-aad shalay ahaa.” Ayuu yidhi Mr Caddami
Wasiir Axmed Xaaji Cali Caddami, waxa uu sheegay inay markii horeba seegtay inay warbaahinta u soo bandhigaan Kulamadoodii u horeeyay si meesha uu uga baxo warka ah inaanay wali talaabo qaadin
“Waxaan Warbaahinta ku arkay qaar leh Guddidii wali fadhi may qaadan,waxay ahayd maalintaanu Shirka qabsanaynay ba inaanu Warbaahinta ka nidhaahno wataas caddayntii oo waxan baanu qabanaynaa laakiin anaga faan iyo Ismuujin nagamay ahayn.waxa anaga noo danta ahi waxay tahay Cabashada Madaxweynuhu noo dirtay inaanu wixii daraasad ah ka soo samayno oo Madaxweynaha u gudbino ka dibna wixii ay is odhanayaan Madaxdhaqameedka iyo madaxweynuhu kawada xaalaan” ayuu yidhi Mr Caddami
Wasiir Caddami waxa uu rajo ka muujiyay is afgarad dhex mara Madaxweynaha iyo madaxdhaqameedka Awdal “Anaga meel fiican bay hawshii noo maraysaa,waxaanuna jecelahay inay sidaas ku dhamaato oo ay Sodmaliland ku soo caano maashay, Markaa Madaxweynaha iyo Madaxdhaqameedka ayay Isqancintii u taala, iyagana waanu ku kalsoonahay” ayuu yidhi Wasiirku.
