Shirkadda Airbus oo ka mid ah shirkadaha ugu waaweyn dunida ee soo saara diyaaradaha, ayaa sheegtay inay duulimaadyada ka joojin doonto in ka badan lix kun oo diyaaradaha rakaabka ah oo ka hawlgala dunida oo dhan, kadib markii la ogaaday inay ku soo baxday cilad halis gelin karta bad-qabta dadka rakaabka ah ee ku safraya diyaaradaha, taasi oo ka dhalanaysa falaadhaha qoraxda iyo heer-kulka sare ee hawada oo keeni kara inay khalkhaliyaan nidaamka hagista diyaardaha.
Warsaxaafadeed xalay ka soo baxay Shirkadda Airbus, ayaa lagu sheegay in la ogaaday cilad iyo nuglaansho ku jira nidaamyada elegtarooniga ah ee diyaaradahaasi oo keeni kara, taasi oo sababi karta in duuliyeyaashu ay xakamayn kari waayaan diyaaradda marka ay hawada ku jirto.
Waxa kaloo khataraha ay shirkadda Airbus sheegtay ka mid ah in ciladda diyaaradaha Airbus ay keenayso in duuliyuhu uu xakamayn kari waayo jooga ay diyaaruhu ku duulayso, taasi oo keenaysa in diyaaduhu ay dhex heehaabto hawada sare oo kolna hoos uga dhacdo jooga sare ama hoos uga dhacdo jooga ay ku duulayso si aan ku talogal ahayn oo ka baxsan awoodaha duuliyayaasha, taasi oo khatar ku ah rakaabka la socda diyaardaha.
Waxayna Shirkaddu ka digtay khayartaasi, iyadoo sheegtay in diyaardaha duulimaadyada laga joojinayo inta la saxayo nidaamkaasi oo haddii aan si degdeg ah xal loogu helin dhalin karo masiibo weyn galaafata nolosha rakaab aad u badan.
Diyaaradaha ay soo saarto shirkadda Airbus ee loo yaqaan A320s, waxa isticmaalaha shirkadaha diyaaradaha dalalka waaweyn ee dunida iyo shirkadaha kale ee ugu waaweyn caalamka, kuwaasi oo qaada rakaabka ugu badan dunida diyaaradaha raaca.
