Hargeysa (Geeska) – Madaxweyne ku-xigeenka Somaliland Md. Cabdiraxmaan Cabdillaahi Ismaaciil (Saylici) ayaa sheegay inuu u tanaasulay Wasiirka Ganacsiga Maxamuud Xasan Sacad (Saajin).
Madaxweyne ku-xigeenka ayaa sheegay inuu Wasiirka Ganacsiga uga tanaasulay Kursiga Guddoomiye ku-xigeenka 4-aad ee Xisbul-xaakimka Kulmiye – kaasi oo markii hore Wasiirka Ganacsigu doonayey inuu kula tartamo marka la gaadho shirweynaha 4aad ee Xisbiga oo Toddobaadka soo socda ka furmaya Hargeysa.
Saylici oo ka hadlayey shir-jaraa’id oo uu ku qabtay Hargeysa Maanta ayaa sheegay inuu sidaa u sameeyay Qaranka Somaliland iyo Shacabka reer Awdal.
Wasiirka Ganacsiga oo isaguna halkaa ka hadlay ayaa u Mahad-celiyey Madaxweyne ku-xigeenka JSL.
Geeska.net/Hargeisa Office
