Hargeysa (Geeska) – Ololaha doorashooyinka Somaliland, ayaa Shalay ka bilaabmay guud ahaan gobollada omaliland.
Ololaha ayaa socon doona muddo dhan 22 cisho, iyada oo la soo afmeeri doono 10 bisha November oo 13-keeda la qabanayo doorashada.
Urur Siyaasadeedka Barwaaqo ayaa lagu ibo-furay ololaha doorashooyinka, iyada oo taageerayaasha ururku ay iskugu soo baxeen fagaarayaasha loo asteeyay ololaha ee Somaliland oo dhan.
2 cisho oo kali ah ayaa loo asteeyay ururada cusub in urur kasta isku soo bax sameeyo, tusaale ahaan ururka Barwaaqo hal maalin oo kale oo kali ah ayaa u hadhay, 19 October ayuu markale isku soo bax samayn doonaa.
Sidoo kale, saddexda xisbi ee Waddani, Kulmiye iyo UCID oo iyagu u tartamaya doorashada madaxtooyada iyo doorashada ururada labadaba, ayaa la siiyay mid kiiba saddex cisho, oo uu isu soo bax samayn doono.
