Hargeysa(Geeska)-Madaxweyne-xigeenkii labaad ee Somaliland Mujaahid Cabdiraxmaan Aw Cali Faarax, ayaa dhambaal tacsi ah u diray ehelada, qaraabada iyo shacabka uu ka geeriyooday Marxuum Idiris Cabaas oo loo yaqaanay John Drysdale oo shalay lagu aasay Hargeysa.
Mujaahid Cabdiraxmaan Aw Cali, wuxuu sheegay in Marxuum Cabaas Idiris uu si wanaagsan ula shaqeeyay wakhtigii isaga iyo marxuum Cigaal loo doortay hoggaaminta Somaliland oo ahaa wakhti aad u adag. Mujaahid Cabdiraxmaan Aw Cali wuxuu sheegay in Marxuumku wax weyn u qabtay Somaliland, waxaanu qoyskiisa iyo labada shacab ee Ingiriiska iyo Somalilandba u diray tacsi.
Marxuum Cabaas, ayaa diinta Islaamka qaatay sannadkii 2009, waxaanu haystay dhalashada Somaliland, isagoo sidoo kale ahaa muwaadin Ingiriis ah.
