Hargeysa(Geeska)-Madaxweyne Axmed Maxamed Siilaanyo, ayaa maanta socdaal ku tagaya dalka Djibouti, si uu uga qayb galo munaasibadda caleemo saarka Madaxweynaha Djibouti Ismaaciil Cumar Geele.
Munaasibadda caleemo saarka Madaxweyne Geele oo qabsoomaysa Axada beri haddii Alle idmo, ayay dawladda Djibouti ku casuuntay Madaxweyne Axmed Maxamed Siilaanyo iyo madax kale oo ka tirsan gobalka Geeska Afrika, waxaanu Madaxweyne Siilaanyo marka uu beri ka qayb gelo munaasibadaas dalka ku soo laaban doona isla gelinka dambe ee Axadda beri, isagoo maalinimada Isniintana u socdaali doona dalka Imaaraadka Carabta.
Weftiga Madaxweyne Siilaanyo, waxa la filayaa inuu ka mid noqdo murashaxa madaxweyne ee xisbiga KULMIYE Muuse Biixi Cabdi iyo masuuliyiin kale.
