Hargeysa(Geeska)- Madaxwaynaha Somaliland Muuse Biixi Cabdi, ayaa maanta magacaabay Masuul cusub kaasoo u qaabilsanaan doona Maareeyaha Guud ee Hay’adda Duulista iyo Madaarrada Diyaaradaha ee Somaliland, kaas ah Cabdi Maxamed Rodol oo ah duuliye sare.
MADAXWEYNE MUUSE BIIXI CABDI 2017
Waxaana war-saxaafadeedkii uu madaxwayne Muuse Biixi Cabdi ku magacabay masuulkan ay u dhignay sidatan:- “Xafiiska Madaxweynaha
Sum: JSL/XM/WAREEGTO/222-02/122017 Taar:17 December, 2017
Wareegto Madaxweyne
Magacaabid
Markaan Arkay: Dastuurka Jamhuuriyadda Somaliland, Qodobka 90aad, Faqradiisa 3aad; Xarafka (Kh);
Markaan Tixgeliyey: Ahmiyadda ay Hay’adda Duulista iyo Madaaradu u leedahay Dhismaha Qaranka;
Markaan Arkay: Aqoontiisa, Kartidiisa, iyo Waaya-aragnimadiisa;
Markaan ku Qancay: In uu Hanan Karo Masuuliyadda ka Dhalanaysa Xilkan;
Markaan Sameeyey: Wada-tashi;
Waxaan Go’aansaday;
In Duuliye Sare, Cabdi Maxamed Rodol, laga bilaabo taariikhda maanta uu ahaado Maareeyaha Guud ee Hay’adda Duulista iyo Madaarada Jamhuuriyadda Somaliland.”
