Alle haw naxariisto Ibraahim Gadhle, shirkii SNM ee Baligubadle ee 1990 wuxuu maansadiisii Dirsooc qaybo ka mid ah ku yidhi:
Ma siday dorraataba; markii sheekhu daakirey
Weeraha u ducatay; Maantana dugaag dhali?
- Mise daabad awr iyo rati doobir badan iyo
biyo madaadiyey dhali
Ma mid doogta kiciyoo nabarkaan dawee idhi
Nagasii damqay dhali?
- Mise wiil digtooroo naga baanta diiftoo
Na dabiibayay dhali
Sidii daallinkii hore ma mid daaradiisuun
Derejada ku kooboo inta kale dulmay dhali?
- Mise doorkan maanta ah; dadku mid uu u simanyahay
iyo damal la hadhsaday dhali
- Sida daallinkii hore; duul wada walaalo ah
Ma mid kala durkinayiyo Beelo kala diley dhali?
Mise doorkan maanta ah, mid dadkaa is wada nacay isusoo dabaaloo
- Damal la hadhsaday dhali
