Hargeysa(Geeska)-Guddiga diiwaangelinta ururada siyaasadeed ayaa amar dul dhigay labada garab ee uu ka dhexeeyo khilaafka xisbiga UCID, waxaanay fareen inay joojiyaan dacaayadaha ay warbaahinta isu marinayaan inta ay guddigu go’aan ka gaadhayso khilaafkooda.
Qoraal uu dhinacyada u kala diray guddoomiyaha guddiga diiwaangelinta Mr. Cabdirisaaq Ciyaal oo uu ku socodsiiyay labada garab ee UCID, ayaa wuxuu u dhignaa sidan “Waxa la idin farayaa inta dacwadiina ay guddigu go’aan ka gaadhayso inaad joojisaan dacaayadaha aad isu marinaysaan warbaahinta ee ku saabsan khilaafkiina iyo in aydaan qaadin wax talaabooyin ah oo sii hurinaya khilaafkiina ay guddigu ka garnaqayso.”
