Hargeysa(Geeska)-Dawladda Somaliland ayaa saaka qisaas ku fulisay saddex ruux oo ay ku jiraan hooyo iyo wiilkeed oo loo haystay haweenay ay kal hore inta ay jar-jareen ay dabadeedna gurigooda oo Hargeysa ku yaala ku aaseen maydkeedii.
Wasiirka diinta iyo awqaafta Sheekh Khaliil Cabdillaahi, ayaa Geeska Afrika u xaqiijiyay in dilku saaka ka dhacay duleedka xabsiga weyn ee Mandheera. Qofka saddexaad ayaa isna ah nin ruux kale ku dilay gobalka Buuhoodle.
Waa dilkii labaad ee ay dawladda Somaliland fuliso toddobaad gudihii, iyadoo dhawaan la dilay afar askari oo dilay saddex sarkaal iyo qof shicib ah.
