Madaxweyne Siilaanyo Oo Ka Hadlay Xidhiidh Diblomaasiyadeed Oo U Bilaabmaya Somaliland Iyo Kenya, Sheegayna Inay Xafiis Ka Furanayaan Hargeysa

Published on Apr 30 2014 // Warar

Picture6Hargeysa(Geeska)-Madaxweynaha Somaliland Md. Axmed Maxamed Siilaanyo ayaa sheegay inuu soo dhawaynayo xidhiidh diblomaasiyadeed oo kobcaya oo u bilaabmaya wadamada Somaliland iyo Kenya.

Qoraal gaaban oo la geliyay barta uu Madaxweyne Siilaanyo ku leeyahay twitterka, ayaa wuxuu ku sheegay inay dawladda Kenya xafiis diblomaasiyadeed dhawaan ka furan doonto magaalada Hargeysa ee caasimadda Somaliland. “Somaliland waxay diyaarinaysaa inay xidhiidh diblomasiyadeed oo adag la yeelato Jamhuuriyadda Kenya.” Ayuu yidhi Madaxweynuhu, waxaanu intaas raaciyay, “Xafiis diblomaasiyadeed ayay deg deg uga furanaysaa Hargeysa.”

Wasaaradda arrimaha dibadda Somaliland ayaa dhawaan sheegtay inay toddobaadkii hore magaalada Hargeysa yimaadeen diblomaasiyiin ka socota wasaaradda arrimaha dibadda Kenya, kuwaas oo indha-indhaynayay sidii ay xafiis diblomaasiyadeed uga furan lahaayeen magaalada Hargeysa.

Weftiga reer Kenya waxa weheliyay wakiilka Somaliland u jooga Kenya Dr. Maxamuud Cabdillaahi Jaamac (Sifir).

 

Leave a comment

Subscribe to our RSS Feed! Follow us on Facebook! Follow us on Twitter! Visit our LinkedIn Profile!