Hargeysa(Geeska)-Madaxweyne Muuse Biixi Cabdi, ayaa magacaabay afar masuul oo isugu jira agaasimayaal guud iyo agaasime waaxeed.
Wareegto uu Madaxweynuhu shalay gelinkii dambe soo saaray ayaa u qornayd sidan
“Madaxweynaha Jamhuuriyadda Somaliland, Mudane Muuse Biixi Cabdi, waxa uu maanta [shalay] wareegto madaxweyne oo summadiisu tahay JSL/XM/WM/222-22/012018, uu ku magacaabay Afar Agaasime.
Waxaanay u dhignayd Wareegtada Madaxweynuhu sidan:-
Wareegto Madaxweyne
Magacaabid
Markaan
Arkay: Dastuurka Jamhuuriyadda Somaliland, Qodobka 90aad, Faqradiisa 3aad; Xarafka (kh);
Markaan
Arkay: Aqoontooda, Kartidooda iyo Waaya-aragnimadooda;
Markaan ku Qancay: In ay Hanan Karaan Masuuliyadda ka Dhalanaysa Xilalkan;
Markaan Sameeyey: La-tashi Ballaadhan;
Waxaan Go’aamiyey:
In laga bilaabo taariikhda maanta aan xilalkan u magacaabo masuuliyiinta magacyadoodu hoos ku xusan yihiin:
Geesta kale, laba ka mid ah agaasimayaashan ayaa hore uga tirsanaa xukuumadii Siilaanyo. Agaasimaha uu madaxweynuhu u magacaabay wasaaradda maalgashiga ayaa ahaa agaasimihii guud ee wasaarada waxbarashada xukuumadii hore. Agaasimaha hadda loo magacaabay wasaarada diinta iyo awqaafta ayaa isna ahaa wasiir-xigeenkii dib u dejinta ee xukuumadii hore. Sidoo kale mar ayuu ahaa agaasimaha guud ee isla wasaaradan diinta iyo awqaafta. [
