Halkudhegyo Xikmad Iyo Cibaaro U Ah Isfahamka Ragga Iyo Haweenka

Published on Nov 15 2017 // Googooska Geeska

– Jacaylku waa shaqada qofka bilaa camalka ah, iyo nasashada qofka shaqeeya.

– Qof aan sabir lahayn jacayl kama guul gaadho.

– Bariga gabadhu wejiga ayaa ay qarsataa, galbeedkana lugaha.

– Jacaylku waxa uu keliya ku noolaan karaa hadal cad oo aan waxba la isku qarin, taasina waa dhaqan aanay gabadhu jeclayn.

– Guurka iyo gabowguba ninka waa u edbin iyo anshax barid.

– Gabadha waxaa laga abuuray laf ninka ka mid ah; laakiin madaxa lagama soo saarin laftaas si aanay ninka u xukumin, lugihiisana lagama saarin si aanu ugu tuman, laakiin dhinaciisa ayaa laga saaray si ay markasta hareer taagnaato. Weliba gacmihiisa hoostooda si ay uga agdhowaato wadnihiisa si uu u jeclaado.

– Guurku lammaanaha hal qof ayuun baa uu isaga dhigaa, laakiin labadooda ka uu halkaa qof noqonayo ayaa ah sirta aan guurka ka hor la sii ogaan karin.

– Gabadha ninka hanataa waa ta in ay bakayle fulay ah ka dhigto, isagana mar kasta u sheegta in uu libaax yahay.

 

Leave a comment

Subscribe to our RSS Feed! Follow us on Facebook! Follow us on Twitter! Visit our LinkedIn Profile!