Burco: Ciyaar Xiiso Baddan Oo Dhex Martay Xildhibaanadda Golaha Deegaanka, Wariyayaasha Togdheer & Kooxda Waayo-Arag

Published on Apr 17 2014 // Ciyaaro

burcoCiyaar xiiso baddnayd ayaa Maalintii Salaasadii garoonka cusub ee Magaaladda Burco ku dhex- martay Xildhibaanadda Gollaha Deegaanka Degmadda Burco oo ay iskaashanayeen Wariyayaasha Gobollka Togdheer iyo kooxda ciyaartoyga Waayo-Arag ee Gobollka Togdheer.

Ciyaartani oo ahayd mid ay si balaadhan uga soo qayb-galeen dadweynaha Magaaladda Burco, ciyaartoy, Maayarka Degmadda Burco, qaar ka tirsan Xildhibaanada Gollaha Deegaanka, Wariyayaasha Gobollka Togdheer, iyo Marti-sharaf kale duwan. Waxaana markii ay ciyaartani bilaabantay oo ay socotay wakhti aad u dheer ay ku dhamaatay 2-1 ay guushii ku raacday Xildhibaanada Gollaha Deegaanka iyo Wariyayaasha Gobollka Togdheer. Maayarka Degmada Burco Maxamed Muraad oo ka hadlay guushaasi u soo hoyotay Dawladda Hoose iyo Wariyayaasha Togdheer ayaa amaan u soo jeediyay Xildhibaanadda iyo Warbaahinta guusha la Taaban karo ee ay u soo hooyeen Dawladda Hoose ee Degmadda Burco.

Kulanka xiisaha leh oo ay soo qaban-qaabiyeen xildhibaanadda Golaha Deegaanka Burco ayaa u jeedadiisu ahayd sidii loo dhiiri-gelin lahaa guud ahaanba ciyaaraha Gobollka lana garab istaagi lahaa guud ahaanba bahda ciyaaraha ee heer Goboll iyo heer Degmo.

 

comment closed

Subscribe to our RSS Feed! Follow us on Facebook! Follow us on Twitter! Visit our LinkedIn Profile!