Dadaalkii horumarkiyo
dantiyo hawshaan lahayn
intii loo wada diree
daryeel wacan sii la yidhi
ninkii dib ka dayriyee
dabaylaha raaciyoow
dadkaad udaldalan tahoo
walee kuma doorto oo
marnaba dayacaad bado
dalkayga hogaamintii
badwayn doonida dhex,taala
ninkii daydayi karee dabaal
ugu tagi karaw
aqoonsiga daadku wado
ninkaa udayoobayoow
cadaalada daadiyoow
midkaa sharci diidka iyo
ninkii daacadnimo dilee
garsoorka usoo dusoow
walee kuma doorto oo
marnaba dayacaad ma bado
dalkayga hogaamintii
inuu xaaraan daldalo
xumaanta inuu dugsado
dadkiisa
inuu dulmiyo
nimaan dambi moodinoow
walee kuma doorto oo
marnaba dayacaad ma bado
dalkayga hogaamintii
ninkii qolo doojintiyo
qabyaalad udoodayaw
intii taag daran dadkayga
xaqooga nin duudsiyoow
walee kuma doorto oo
marnaba dayacaad ma bado
dalkayga hogaamintii
shidaalka dalkayga iyo
dhamaan khayraadka dihin
inuu qunyar dawlisuu
dilaalo ninkii rabaw
walee kuma doorto oo
marnaba dayacaad ma bado
dalkayga hogaamintii
ninkii isku duubnidiyo
midnimo duugaynayee
nabada dacaraynayaw
dadkuu rabi duul qudhiyo
dubiyo diir qudha ka dhigay
inuu kala daadiyuu
diihaalsho
ninkii rabaw walee kuma
doorto
oo marnaba dayacaad ma
bado
dalkayga hogaamintii
nimaan darxumadu
damqayn ninkii diiftiyo
haraad markuu cudur
daadsan yahy damaashaad
iyo dalxiis
dareen li'i aadayaw
walee kuma doorto oo
marnaba dayacaad ma bado
dalkayga hogaamintii
xilkaa lagu doodayiyo
muxaafidka dawladiyo
mucaaridka dacal socdiyo
dhamaan da'yariyo
duqay dantii guudeen lahayn
ninkii dib uriixayee
mid gaara danaynayoow
walee kuma doortoo oo
marnaba dayacaad ma bado
dalkayga hogaamintii
shaxaadka ninkii dardara
hantida daadaadiyee
musuqa daariyo guryaba
ninkii ka dilaacsadaw
walee kuma doorto oo
marnaba dayacaad ma bado
dalkayga hogaamintii
daliilinta maansadiyo
dabuubtu ayay durkine
waxaan ku dardaarmayaa
dariiqa siyaasadiyo
dastuurka
nimaan aqoon
diktaatooriga qarsoon
haduu is yidhaa dirqiyo
dadkaygoow gabi ahaan
digtoonaadoo ka jira
ogaw qaran-diidka
qaskayga ku doogsadiyo
wixii dab-shidee dahsoon
digniin adag bay qabaa
